الجمعة، 1 يوليو 2011

اعلان نتائج الثانوية العامة 16 يوليو المقبل

قال مصدر مسئول بوزارة التربية التعليم إن الوزارة استقرت على إعلان نتيجة امتحانات الثانوية العامة خلال الفترة من 16 إلى 18 يوليو المقبل.

وأكد المصدر أن الدكتور أحمد جمال الدين موسى وزير التربية والتعليم، سيعتمد النتيجة وأسماء الطلاب الأوائل بالشعبتين العلمى والأدبى بعد عودته من رحلة عمل بالخارج فى 14 يوليو، وستنتهى الامتحانات بعد غد السبت.

إليكَ يـا .... زُمل

y, June 17, 2011 at 8:19pm

: ملاحظة خطيرة :) .... تعريف زُمل

الأولوية للغلابة اللي زيي طلاب الثانوية العامة وكل من لم يلتحق بها بعد

ولا يمنع هذا من أن يكون الكلام موجه لطلاب الكلية اللي هلتحق بيهم

عن قريب ان شاء الله ومتنسوش كلكوا كنتوا فـ يوم ثانوية عامة

:)

*´¨`*•.¸¸.* ¨`*•.

عزيزي طالب الثانوية العامة أتمنى انك تكون عايش وعقلك لسه فـ مكانه

عملت ايــه فـ اللي فـــــــات ؟؟

.

.

.

.

بــــــس بــس حاسة بيك ما هو كلنا فـ الهوا سوا وبنمر بحاجات غريبة فـ الامتحانات

يعني ... مادة متكونش مذاكرها كويس وتدخل متسبش فيها سؤال فاضي ومادة

تطلع فيها عينك ومتحلش حاجة وسؤال تكون لسة يدوب باصص عليه قبل ما تدخل

اللجنة على طول وييجي فـ الإمتحان ومتفتكرش منه حرف , يـاااااه غريبة الدنيا دي

مــش كــده ؟؟ ................... بس عمرك ما سألت نفسك هو ده بيحصل ليه ؟

طب عمرك مـ قـَليت بأصلك وقلت لــيــه يــــارب !! ده انا مذاكر وتعبان وسهران طول

الليل ومحلتش كويس والولا "أياً كان هو مين" حل أحسن مني لـــيـــه يـــــــــارب

لـــــــــيــــــــه ؟؟

وطول ما انت ماشي فـ طريق الإمتحانات بيقابلك امتحان حلو فـ تقول أيوه الحمدلله

هوصل للي أنا عايزه أهو , ويقابلك امتحان رخم فتقول لــيــه يـــارب ؟؟ , وغير جو

الإمتحانات الغريب اللي مش بنبقى مستحملين فيه حد يطلعولنا الناس اللي كل

مهمتهم فـ الحياه انهم يربكونا وكل شوية يفكرونا اننا ثانوية عامّة وده على أساس

ان احنا ناسيين مثلاً !! والمُربكين دول بتلاقيهم فـ كل حته ......... مرة يطلع يقولك

بصــوت حـنـيـِّـن : شــــد حـيـلـك ....... فتقوله وانت بتبصله بغتاته : الشدة عـ الله

وبعدين يكمل حديثه الشيِّق فـ يقولك : كــلـنـا مـستنيينك لازم ترفع راسنا يـا محمد

فتقوله : ربـــنـا يسهل ......................... غالباً نيته بتكون سليمة , بس أنا زيك

:D نفسي الناس دي تعرف انها كده بتوترَّنا مش بتساعدن بتاتاً

.

.

.

أو مثلاً بقى ... تـِبقي قاعدة فـ أوضتك يا منى فتسمعي مامتك وهي بتكلم جارتكو

وصديقتها العزيزة طنط سـِـهير فـ التليفون , فتقولها أيــــوه يا سِهير والله كلنا خايفين

البت منى قاعدة بتذاكر أهي بس لو مَجبتش نسبة السنادي هتضيَّع تعبها وتعبنا

عالفاضي ........ آه والنبي ادعيلها كتيييير ....... آه ......... آه صحيح عندك حق

عالعموم ربنا يستر يا حبيبتي

وانتي أو انتَ تكون بتذاكر , فـ الكلام ده يشحذ همتك جـــــداً

.

.

.

.

:D "حلوة يشحذ دي .... العربي بينفع والله"

المهم بقى همتك تتشحذ من هنا وانت تروح قافل الكتاب من هنا على طووووول وده من

كتر الحماسة اللي بتكون فيها طبعاً وبعدين تقعد ترسم .... تكتب ... أو تمسك موبايلك

وتفتح أي بلاي لست عندك وتهيَّص يا معلم ده لو مفتحتش نت طبعاً وكإنك فـ اجازة

شم النسيم

وتقول أنـــا مبضيَّعش وقت ده مجرد "بـريـك" مع انك عارف انه مش بريك وعارف انك بتهرب

لإنك خــايف مـ النتيجة وعايز تبطـَّل تفكير فـ طنط سِهـيـر , الحقيقة ان مـامتك بتكون خايفة

عليك فعلاً بس متعرفش انك سامعها وهي بتعبر عن خوفها ده

.

.

.

وبتكمـِّل امتحاناتك يا سيدي وانت خايف وقلقان ..... حاجة صعبة أوي انك تحس بإنك بترسم

مستقبلك ونص درجة ممكن تنقلك من مستوى لمستوى تاني خاااااالص وتبدأ تفكر

وتقول : طب افرض مثلاً مثلاً يعني إني

...............

:D

..................

مجبتش النسبة اللي أنا عايزها ومدخلتش الكلية اللي بحلم بيها واللي طبعاً بيحلموا بيها

(P_ q) أهلي كمان , وتتخيل بقى علامات الحزن فـ وش مامتك :( والحسرة فـ وش الوالد

والكآبة اللي هتكون فيها وبعدين تدخل كلية مش بتحبها وتتخرج متلاقيش شغل فـ تقعد

عـ القهوة وميبقاش ليك لازمة وتعيش عالة عـ المجتمع ولا تتجوز ولا تخلف وتعجز وتتعب

فتموت ............ وبعدين تصحى تاني عشان ده مـ الآخر

.

.

فيلم هندي

.

.

ايـه يا عم الجو ده !! .... يا زُمل ريَّح نفسك مـ التفكير الموضوع ببساطة إن لكل انسان فينا

طريق , من ساعة مـ اتخلق وهو بيمشي فيه , واتكتبله حاجة معينه فيها خير ليه وهي

أنسب حاجة لدماغه وامكانياته وهي اللي باب رزقه هيتفتح من خلالها وكل اللي مطلوب

منه إنه يعمل اللي عليه ويحاول يتعب حسب قدرته , متزعلش لما ييجي امتحان صعب

ويقلل فرصتك من كلية معينه , ممكن تكون اخترت لنفسك طريق بس الطريق ده مش

مناسب ليك , صحيح بتدعي وتقول يـــارب اجعلي فيه نصيب بس ممكن ربنا يكون كاتبلك

مستقبل أحسن بكتيييييير بـس فـ طريق تاني غير اللي انت اخترته لنفسك حتى لو كان

أقل شوية من اختيارك ما انت ممكن تدخل كلية من كليات القمة بس متجلكش فرصة

شغل حلوة , وممكن تدخل كلية عادية وتشتغل فـ وظيفة يكون مكتوبلك انك تمسك

منصب كبير فيها فـ المستقبل , أو ممكن تدخل كلية مش حاببها بس تقابل شريكة

حياتك فيها أو ممكن تدخلي كلية انتي مش عيزاها بس تتعرفي فيها على أخلص

وأعز صاحبة ليكي فـ المستقبل , ودي تدابير بتاعة ربنا وربنا حكيم وكريم أوي وانت

عارف كويس انه كريم وكبييييير أوي , ياما ستر عليك وانت غلطان وياما وقف جمبك

وساعدك مع انك كنت قاطع الصلا ومش جمبه , انت عارف انه كريم يبقى ليه تخاف ؟

وليه تفقد الثقة كده وتخلي أي حد يوترك ويخليك تقفل الكتاب , انت بتذاكر عشان انت

عايز تعمل اللي عليك وتوصل للمكان اللي ربنا كاتبهولك وده انت ملكش يد فيه بس

لازم متقصرش وتعمل كل اللي تقدر عليه عشان ربنا يقف جمبك ويوفقك وادعي يا زُمل

ان ربنا يكتبلك اللي فيه الخير وادعي ان الخير ده يكون هو اللي انت بتحلم بيه

.

.

اتعب واتوكل على ربنا وكمِّل مشوارك حتى لو قصرت فـ الأول وضيَّعت وقت كتير

وعدِّت خلاص امتحانات , انسى اللي فات ده اللي حصل كان واللي كان مش بنعرف

نرجعه بس بنقدر نصلحه , اللي جي بإييديك حاول تبقى عايز ده عشان اللي عايز

بــيــشــتــغــل بــجــد ولما بيقصَّر بـيفوق وبيعوَّض اللي فاته

وده مش كلام إنشا ومش خيالي أو مثالي زي ما ممكن تكون

فاكر .... ده كلام كل واحد دخل كلية مش حاببها ونجح وقدر

يحقق حاجة وعرف ساعتها ان ده كان الخير ليه

وندم على كل لحظة حزن عدِّت عليه وهو ف ثانوية عامّة

.

.

:D خــاف عشان لو مخفتش متبقاش طبيعي بصراحة

بس متخليش خوفك يسيّطر عليك

اضحك ومن قلبك وطمن أهلك

قولهم أنا بتعب وهوصل للي

ربنا كاتبه , وخليك واثق ان ربنا

عمره ما هيضيَّع تعبك عـ الفاضي

.

.

ربنا يوفقك وبالله عليك السلام أمانة لطنط سِهير

*´¨`*•.¸¸.* ¨`*•.

الكلام ده مش من طالب متفوق دحيح ومثالي

الكلام ده من طالب لقى ان حلمه بيضيع من بين ايديه

عشان اكتشف فجأة انه بيعشق محافظته اللي مفهاش الكلية

اللي بيحلم بيها , قعد يفكر كتييييير وتعب أوي لحد ما وصل

للكلام اللي فوق ده ....... أنا بعمل اللي عليا وفـ انتظار الخير

اللي ربنا كاتبوهلي وأياً كان هو ايه أنا هرضى بيه

وكله دلوأتي بيتحل وبيمشي بالكورسات

:D

* لو حسيت إنه يستحق التشيير شـيَّر من غير ما تستأذن

ولو حسيت إنه فيه أي نوع من أنواع السلبيه

أرجوووك نبهني وإوعى تشيَّر

*آسفة عالإطالة

وآسفة لإني مش هرد عالكومنتات

دلوأتي "لو كان فيه" :) سامحوني

كلها اسبوع وأخلص

ربنا يسعد أيامكوا

:)

آلاء عبدالستار

الجمعة 17/6/2011


الأربعاء، 29 يونيو 2011

عايز تخلص المنهج فى 10 ايام ؟؟؟

009, 04:56 AM رقم المشاركة : 1
مستر أحمد حمدى
مدرس العلوم

الصورة الرمزية مستر أحمد حمدى





مستر أحمد حمدى غير متواجد حالياً


New عايز تخلص المنهج فى 10 ايام ؟؟؟

بسم الله الرحمن الرحيم

والصلاة والسلام على أشرف المرسلين سيدنا محمد علية أفضل الصلاة وأتم التسليم

أعزائى الطلبة والطالبات


يا ريت الانتباة للنصائح التالية وتنفيذها فالوقت ضيق

وهى تجربة شخصية جربتها فنجحت فحبيت افيدكم بيها

أولاً :
لازم تشكر ربنا على نعمة العقل والتمييز ولازم تقرب منه قوى اليومين دول عشان يقف جنبك والمفروض اننا نقرب لربنا فى كل وقت

ثانياً :

أنا حقولكم النهاردة على طريقة مجربة للمذاكرة

بس تنفذ اللى حقولهولك بالحرف الواحد

1- لما تيجى تذاكر فضى دماغك من كل ما يشغلها يعنى لو عندك مشاكل سيبها ورا ظهرك


" يعنى بتفكر ومحتار وسرحان والكلام الفاضى دة خلية بعدين مفيش وقت "


2- لما تيجى تذاكر متذكرش على السرير

" دى طريقة نوم بينصح بيها الأطباء كل من يعانى من الأرق أن يمسك كتاب ويمدد على السرير "

3-لما تذاكر حدد جزئية معينة ولتكن 3 دروس لا تقوم حتى تفرغ منها ويجب مراعاة أن تكون الدروس

متباعدة يعنى درس من الأول ودرس من النصف ودرس من الأخر

عارفين لية ؟

لسببين

السبب الأول :

ان المذاكرة بالترتيب بتحسسك ان لسة بدرى قوى ومش حتخلص

والسبب الثانى :

انك لو طالب كسول وملحقتش تخلص المنهج يبقى على الأقل أخدت جزء من كل الفصول مش أخدت أول 6 او 7 دروس بس

4- ابدأ بالمادة اللى بتحبها " عشان تفتح نفسك "

5- بلاش الايحاءات السلبية " يعنى يجيلك طالب غبى يقولك ياااااااااااة دا الفيزياء دى صعبة او الكيمياء معقدة او الأحياء طويلة متسمعش كلامه يمكن انت اذكى منه

6- خلى عندك ثقة فى ربنا وفى نفسك فمتهزمش نفسك وتقول أنا غبى أنا مش حقدر اخلص وصدقنى لو عندك ارادة حتهد جبال فى حديث عن الرسول صلى الله علية وسلم بس معرفش مدى صحتة بيقول

" لا تمارضوا فتمرضوا فتموتوا " يعنى لا تدعوا المرض فتمرضوا بالفعل ثم تموتوا وطبعا كلنا عارفين ان اكتر من نصف علاج المريض فى حالتة النفسية لابد أن تكون جيدة

7- لا تنام والنور مضئ لأن جسمك طوال النهار يتعرض للضوء وفى الليل يفقد الضوء لكن الشخص الذى ينام فى الضوء يشحن جسمة بالليل وبالنهار فلا يفقد الضوء ولا تنسى أيضا أن النوم فى الظلام يريح الجهاز العصبى والمخ


8- متشغلش بالك بعمل جدول للمذاكرة والتعديل فى الجدول والكلام الفاضى دة لأنك حتاخد وقت فى عمل الجدول وتعديلة لو كنت ذاكرت فى الوقت دة كان احسن لك ثم لو مقدرتش تمشى على الجدول ودا اللى حيحصل حتتعقد فبلاش موضوع الجدول المهم انك تذاكر


9 – عليك بأن تتقرب إلى الله فمن يعرف الله فى الرخاء يعرفة الله فى الشدة " الإمتحان " فإذا كنت لا تصلى فصل من الأن وإذا كنت متبرجة غير محجبة فتحجبى

10- عايز متتوترش يوم الإمتحان ؟ تذكر يوم امتحان اصعب منه فيهون عليك الإمتحان " تذكر وقوفك يوم القيامة أمام الله عزوجل "


ثالثا :

عندى طريقة تذاكر بيها مجربة جربتها مع طلابى

الطريقة تعتمد على فكرة مجنونة وغير منطقية

انا بخلى الطالب يحل امتحان ويطلع الإجابة من الكتاب

يعنى يغش الإمتحان ؟

ايوة يغش الامتحان

طيب حد حيسأل اية الفايدة من كدة ؟؟؟

انا جاتلى الفكرة لما قرأت معلومة بتقول ان الإنسان لا ينسى أى معلومة يقرأها ولو قراءة عابرة سريعة

بل ويحفظها فى المخ ولو كانت بلغة لا يعرفها ويمكن عن طريق التنويم المغناطيسى جعل الشخص

يكتب ما رأه كتابة واضحة ولو كان يجهل اللغة التى كتبت بها

فالمطلوب انك تمسك امتحانات وتبدأ تحل من الكتاب حتى ولو كنت عارف الحل

طيب حستفاد اية ؟

عشان تدور على الإجابة اكيد حتمر على صفحات لحد ماتوصل للإجابة

بعد تانى امتحان حتلاقى نفسك بقيت بتوصل للإجابة بسهولة وأسرع

بعد خامس امتحان حتلاقى نفسك حفظت مكان الإجابة بل وحفظت اغلب الأسئلة المكررة

بعد ثامن أو عاشر امتحان حتلاقى نفسك حفظت 72 % من المنهج بكل سهولة

بعد كام امتحان حتلاقى نفسك حفظت المنهج بالكامل

التفسير :

ان عينك ذى ما قلنا كاميرا والمخ هارد ديسك بيخزن صورة دائمة واللى انا عملتة إنى أجبرت مخك على

نقل المعلومات اللى بيعدى عليها بلا اهتمام ويضعها فى الجانب المظلم أجبرة ان يضعها فى الجانب المضيئ

أسألك سؤال ؟؟؟؟؟؟؟؟

أنت بتنسى اسم أصحابك الأنتيخ قصدى الأنتيم ؟؟؟؟؟؟؟

لا طبعا

لكن بتنسى أصحابك اللى كلمتهم مرة واحدة ومن زمان ؟؟؟؟؟؟؟

ايوة طبعا

طيب لية ؟؟؟؟

طيب بتنسى ايام الأسبوع ؟؟؟؟؟؟

لا طبعا

طيب لية ؟؟؟؟

السؤالين لهم سبب واحد هو تكرار المعلومة كتير مما يجبر المخ على وضعها فى حالة استنفار

على العكس من المعلومة المهملة التى لا تشغل بال صاحبها والتى توضع فى الجانب المظلم


عارفين ذى اية ؟؟؟؟؟

فى الصيدلية هل برشام البرد والصداع والمغص والإنتفاخ والفوار بيوجد فى الأرفف ؟؟؟؟؟

لا طبعا موجود فرط فى مكان مخصص لأنهم بيطلبوا بكثرة

ملحوظة هامة جدا :

التجربة دى أنا بشتغل بيها مع الطلبة اللى متأخرين فى المذاكرة او اللى مذكرش اصلا أو اللى

فهمة بطيئ وأثبتت نظريتى فاعليتها 1000% ومجربة جربها بس

أتمنى من الله العلى القدير أن يجعل أعمالنا خالصة لوجهه الكريم وأن ينفع بهذة الطريقة أبنائنا وبناتنا



المصدر :منتديات الثانوية العامة

الثلاثاء، 28 يونيو 2011

ارتياح بين الطلاب لسهولة الكيمياء بالإسكندرية

الطلاب بعد الامتحان

الإسكندرية - جاكلين منير

Bookmark and Share Add to Google

أبدى طلاب الثانوية العامة المرحلة الأولى ارتياحهم بعد امتحان مادة الكيمياء الذى يعد من المواد التى تتسم بالصعوبة، حيث أشار الطلاب إلى أن الامتحان جاء فى مستوى الطالب المتوسط على خلاف المتوقع.

أمل طه، طالبة بمدرسة محرم بك الثانوية بنات، أشارت إلى أنها لم تجد صعوبة فى أسئلة امتحان مادة الكيمياء، إلا أنه كان طويل واستغرق وقت طويل فى الحل أما ميادة محمد فقط أشارت إلى أن الامتحان كان به بعض الجزئيات الصعبة خاصة بالسؤال الثانى والثالث والرابع.

من جهة أخرى أكد سمير النيلى مدير الشئون التنفيذية بمديرية التربية والتعليم بالإسكندرية، على أن الامتحان جاء فى مستوى الطالب المتوسط و لم يخرج عن المقرر، كما أكد أن غرفة العمليات بالمديرية لم تتلقً أى شكاوى بخصوص صعوبة الامتحان أو بوجود أى إصابات



المصدر : اليوم السابع

الاثنين، 27 يونيو 2011

رد من طالب 3ثانوي يؤكد عدم صحة الأخبار التي تقذف بالرعب في قلوب الطلاب من الثانوية العامة

ArabianPDA
عضو قدوة

الصورة الرمزية ArabianPDA





ArabianPDA غير متواجد حالياً


افتراضي

اقتباس:
المشاركة الأصلية كتبت بواسطة هارى12345 مشاهدة المشاركة
تقصدى ان 2سهلة طيب و 3

من توقيعك اعتقد حضرتك ان شاء الله تبقى دكتورة والنبى وانتى معدية يبقى ارمى علينا شوية كلام يشجعونا شوية وطمنينا علشان احنا نعتبر خلاص دخلنا على 2 فاضل شهر و
عندى سؤال صغنن كدة
هو مستوى الامتحانات بيبقى عادى يعنى زى كل سنة؟ لو الاجابه اه
يبقى ايه اللى بيجيبوا فى الجرايد والتلفزيون ده
(وفى حالة من البكاء الشديد اشتكت الطالبة فلانة من صعوبة الامتحان وضيق الوقت وان الامتحان اعلى من مستوى الطالب المتفوق.فى حين ان علانة قامت بتمزيق ورقة الاجابة لان الامتحان من خارج المنهج.وقامت الطالبة مش عارف ايه برمى نفسها قدام قطر كان متجه لاسكندرية وايضا الطالب كذا قام باشعالالنار فى نفسه مستخدما (جاز) )
والله كل ما اسمع الحاجات دى قلبى يقع فى رجلى
(ايه ده مكفايه رغى يا عم هارى وجعتلنا دماغنا ,يا ساتر لا بتعرف تتكلم ولا تهبب)
حاضر خلاص مش هقول حاجة تانية
والله كله افلام هندي

ويمكن عشان انا في تالته عارف الحاجات دي

وخصوصا البنات يخرجوا مفرهدين وهما حالين كله علي نص درجه وفيها شك كمان

السنه الي فاتت العيال كانت بتلطم مثلا من الاحياء وتقول بره المنهج والامتحان كان هايف
وكل اجاباته كلمه وغطاها

وخد علي كده بقي

المصدر :منتديات الثانوية العامة



لو لا قدر الله حسيت نفسك هتنزل في أحد الامتحانات

السلام عليكم ورحمة الله وبركاته

دا موضوع بسيط بس مضمونه كبيييييييير اوي ،، اقروه واتاكدوا هتستفيدوا


نقاء القلوب
عضو جديد




نقاء القلوب غير متواجد حالياً


Unhappy سؤال محيرنى بجد مش عارفه اذاكر

السلام عليكم ورحمه الله وبركاته\


انا طالبه فى تانيه ثانوى ومستوى الحمد لله كويس وكنت بطلع من الاوائل ديما بس فى الامتحانت السنه دى حصلتلى حاجات غريبه خصوصا فى امتحان الرياضه والعربى بالرغم ان الحمد لله الامتحانات كانت سهله بس كنت بدخل الامتحانت انسى القوانين وفى امتحان التفاضل نسيت مساله وحاجات غريبه جدا حصلتلى الايام اللى فاتت بس الحمد لله على كل شى



انا بس كنت عايزه اسال هو لو انا لو جبت 92 او 93 يعنى مجبتش فوق ال95 هل ممكن اعوض فى تالته وكمان بالمستوى الرفيع واجيب مجموع عالى اصل انا بجد نفسى خالص انى ادخل طب اسنان ومش عارفه هل كده خلاص مينفعش ولا ايه انا عارفه ان الامتحانات لسا ما خلصتش وكمان النتيجه لسا بس انا الحاجات دى بتشغلنى خالص وكمان اللى حصلى فى الامتحانت السنه دى اكدلى ان مش هزيد عن المجموع ده لو سمحتم بس حد يقولى هو فى امل ولا لا لازم الواحد يجيب اكتر من 95




sad nono
طالبة بالصف الثاني الثانوي




sad nono غير متواجد حالياً


افتراضي

السلام عليكم ،،


عارفة لما واحد يبقا واقع في مشكلة كبيرة ويرمي المشكلة دي على حد هو بيثق فيه جدا عارفة هو بيرتاح اد اي ؟؟
بصي يا حبيبتي متشيليش هم اي حاجة وتوكلي على ربنا فوضي امورك لربنا بثقة شديدة ان ربنا مش هيضيع تعبك ابداااا
وان ربنا هيقدرلك الخير .. قولي " فوضت امري ليك يا رب " وخلي في قلبك ثقة كبيييرة ان محدش في ايده الخير ليكي غير ربنا وطالما انتي فوضتي امرك ليه وتوكلتي عليه بكل ثقة هيقدرلك الخير ان شاء الله ...
يعني متقوليش هجيب 92 او 93 اوعي تقولي كدا خلي عندك أمل كبييير انا هحكيلك حكاية بسيطة حصلت معايا اكيد هتفيدك ان شاء الله

من زمان اوي وانا صغيرة من حوالي ست سبع سنين كدا كان ليا صاحبة متفائلة جدا جدا من واحنا اطفال في ابتدائي
كنا ندخل الامتحان ونطلع منه مثلا تكون غلطانة تلات اربع غلطات وتقول الغلطة دي ان شاء الله مش هيحاسبوني عليها
ودي اللي بيصحح مش هياخد باله وان شاء الله اجيب اعلى درجة بس كانت بتقول الكلام دا بجد من قلبهااا وكانت بتبقا مقتنعة مليوون في الميا انها مش هتنقص في الامتحان والله العظيم الكلام اللي كانت بتقوله كان اللي بيحصل كنت ببقا مستغربة اووي ومفهمتش غير لما كبرت وسمعت الحديث القدسي دا " انا عند ظن عبدي بي " فخلي عندك ثقة كبيييرة وظن حسن بربنا
بدل ما تقولي انا هجيب 92 قولي ان شاء الله ربنا هيوفقني وهدخل الكلية اللي انا عاوزاها قوليها من قلبك وانتي مقتنعة بيها
وبقسملك بالله لو ظنيتي ظن حسن بربنا وانو هيقدرلك اللي بتتمنيه ربنا مش هيخذلك ابدااا ،، متقوليش بقا عاوزة اعرف لو جبت المجموع دا ينفع اعوض ولا لا ... لا مش عاوزين الافتراض دا يبقا موجود اصلااااا

يارب اكون افدتك لو عاوزة اي حاجة انا تحت امرك ..
وبالتوفيق ان شاء الله ،،




المصدر : منتديات الثانوية العامة


بس كدا خلاص يارب تكون رسالتي وصلت

الفرق بين علمي علوم وعلمي رياضة

السلام عليكم ورحمة الله وبركاته


علمى علوم تدرس فى سنة تالتة احياء وفزياء وعلمى رياضة تدرس فى سنة تالتة رياضة 2 وفزياء والفرق ان علمى علوم يدخلك كليات الطب و الاشياء المتعلقة بمجال الطب وكل الكليات الادبية وعلمى رياضة يدخلك كليات الهندسة والاشياء المتعلة بمجال الهندسة وكل الكليات الادبية وكل واحد و امنيتة وهدفة وعمتا انت فى ثانية ثانوى تدرس خمس مواد هما عربى و انجليزى ورياضة وفرنساوى و كيمياء للعلمى اما اذا كونت ادبى بدل الكمياء تدرس اى مادة ادبية مثل التاريخ او علم النفس وفى الصف الثالث تتخصص اذا انت تريد علمى علوم او رياضة وعمتا فى الصف الثانى ثوف تكتب استمارة تختار انت عايز تبقى اة

اضافة بسيطة بس : ان اللي هيدخل علمي علوم ممكن يختار كيمياء او احياء في التانية
لو اختار مثلا كيمياء في تانية هياخد احياء في تالتة ولو اختار احياء في تانية هياخد كيمياء في تالتة بس الفرق
ان اللي واخد كيمياء في تانية مكن يحول في تالتة عملي رياضيات او ادبي بس اللي واخد احياء في تانية مش ممكن يحول في تالتة غير لأدبي ...


المصدر : منتديات الثانوية العامة المصرية